دَعْوَةَ صَايِمْ فِيْ اخِرِ يَوْمَ صِيَامٍ.

كَمْشِةْ أَمَانِيَّ مَوْجُوْدَةٌ فِيْ كُلِّ وَاحِدٍ فِيْنَا وَ طُوِّلُ الْوَقْتِ بِنَفَكَّرَ فِيْهَا , عِيْدٍ الْفِطْرِ , عِيْدٍ الْأَضْحَىْ , الكرِيسِمسّ وَ لَا انْشَاءَ الْلَّهُ عِيْدُ الْشَّجَرَةِ , الْمُهِمْ عِيْدُ وَ الْنَّاسِ بِدْهُا تُعَيِّدُ.

أَسْمَحَوْليّ بْكَمْشِةْ أَمَانِيَّ , أُشَيٍّ منها لِلَّهِ وَ الْوُطَنَ وَ أُشَيٍّ مِنْهَا مَصَالِحِ شَخْصِيَّةٌ.
وَ جُيِّرَت الْلَّهِ عَلَيْكَوَ كُلُّ وَ احِدٌ مِنْكُمْ عِنْدَهُ أُمَنِّيهِ "أو زين" مَا يَسْتَحِيَ وَيَحْكِيُّهَا, بَلْكِيْ يَا أَخِيْ عَيَّدْتِ مَعَكَ !

يا رب البنفسه أواعي يعيد فيها تيجي الأواعي قبل صلاة العيد.

يا رب المريض , مرضو ما يزيد , ويصحى بكرة زي الحديد.

يا رب البعيد يصير عند اهلو قريب........... و ألي ما بدو بلاش !

يا رب يصير الانسان غالي زي ما كل أشي بغلا و بزيد.

يا رب الحكومة تحل عنا شوي بعد العيد و الضريبة ما تزيد.

يا رب تسكتني و تخليني ابعد عن الحكومة و افكر في اشي جديد.

يا رب المستشفيات يصير عندها شوية ضمير و تبعد عن التجارة بالبشر و المسكين.

يا رب باب الحارة يطلع بجزئه الاخير , و زهره تتطلق وتظل بلا ولا مليم.

يا رب كلابي ما يصحوني اول يوم العيد.

يا رب يا ابو تتيانا بنتك تكبر و تصير , يا رب يا حكم انك تصير عاقل و تبطل زي المساطيل.

يا رب........

شبـاب ضـد التطبـيع from Lebanon and Mr. Husni Mubarak

Will this is really important to post on my blog , i guess it is been a while since my last post having all the busy things in my life has drift me away from my blog , but i promise you guys Abu da3as is coming soon.

As or the post it is by
شبـاب ضـد التطبـيع from Lebanon , their web blog is really great if you are an RSS follower this blog should be in you list.

their latest post is listing all of the companies that we should boycott !! the list is huge ! as for that why don't you provide us with alternatives this would be great , tagging them for this request would be great.

Youth Against Normalization - شبـاب ضـد التطبـيع: Boycott Movement Targets Israel: a Just boycott - ...: "When does a citizen-led boycott of a state become morally justified? That question is raised by an expanding academic, cultural and economic..."


As for me i would like to share a picture with you guys



Can anyone please tell us what is the thing in common between the 2 pictures !! because really i can't freakin find it.

Come on Egyptian people what the hell are you waiting for this dude took lots of time graping his seat !! it is the time to kick him out don't you think so !!

بعضا من العناوين الي بتفتح النفس

مايكل جاكسون مات,شو يعني ما هوه كان ساقط.
الكهربا بدها تغلا.
و الميه اصلا مش رخيصة,جرة الغاز بدك ياها عشان تشغل سخان المي اوتغلي طنجرة المي على الغاز عشان تتحمم بالطشط !! يعني بكل الحالات بهدله و حمامك صار حقو ليرة و نص بدون ما نحسب الشامبو و الصابون النابلسية. و ما تنسا المي المهدورةو انتا قاعد بتنظف كعب رجليك بالحجر

احمد ابب خطب و مصطفى كمان. الله يكون بعون البنات

!! اشترت مكتووب yahoo

اللمبة

هذا يومي الرابع بدون ان امارس عادتي اليومية بتامل جدران الغرفة, ليس لاني لا اريد ذلك , بل لاستحالة العملية.

ففي لحظة ما قبل اربعة ايام ققرت اللمبة اللعينة التوقف عن مدي بالضوء ,بالرغم من محاولاتي في التشاور مع اللمبة على مدي ولو بعشر دقائق من النور لتامل و لو حائط واحد من حيطان الغرفة قد بات بالفشل,الى انه وفي ظل هذه الظروف الصعبة قررت بعض الخلايا الكسولة في قوقعتي التحرك لوهلة, لتبعث ببعض المؤشرات الحيوية الى اصابعي بان تحمل القلم و تبحث عن بعض الاوراق لتخط بعض الافكار المتطايرة في ظلام الغرفة.

بعد الجهود الصعب في اقناع الاصابع بان تتحامل على نفسها بكتابة بعض الاحرف على بعض الاوراق البالية , لبعض الافكار الغريبة , اكتشفت في دورها خلايا اخرى داخل هذه القوقعة عن انقطاع الروح داخل هذه الغرفة ..........لتتسائل, اين هي الجدران ,اين هي اقماع السجائر , فناجين القهوة, اين هي هذه الروح الغريبة التي كانت تلقي بي من اعلى الاماكن لارتطم بالقاع و تنتفض بي جميع الافكار لتستيقظ جميع الخلايا و تتاهب المؤشرات الحيوية ......... علاء كفى وهذه الاوصاف السخيفة !!!

قبل ايام معدودة و مرورا باحدى المحلات , تقدمت من شمعة كبيرة بلونها البني , ورائحتها كرائحة القهوة ولسبب ما قررت بان هذه الشمعة لا بد بان تتموضع عندي في الغرفة , طبعا الان و في هذه الليلة الغريبة المشحونة الى حد ما بالطاقة السرية , قررت نفسي بان هذه الشمعة هي البديل الامثل و الحل الافضل لمازقي الحقير , فالشمعة هذه تحتوي على جميع الامور التي تبحث عنها هذه الخلايا لتستبدل بما هو مفقود داخل هذه الغرفة.

رائحة القهوة , نار صغيرة تغني عن جمر السجائر ,ضوء خفيف يكفي لتامل زاوية من زوايا الغرفة , وافكار غريبة تكفي للوصول الى ما هو بعيد ...... او قريب.

غريبة هي النفس كيف ان تبدء في البحث عن البدائل للامور التي تفتقدها بالدرجة الاولى.

اصعب ما في الموضوع ان هناك بعض الامور التي لا يمكن استبدالها.

قبرص 19-6-2008

تعبينا

بصراحة انا مش فاهم شو عم بصير !!

انا بحكي عن وضع البلد !! نعم الاردن......

انا مش فاهم شو بدها الحكومة ؟ بدها تقتل الشعب ؟ يا عمي فاهمين , جوع الكلب بلحق بس مش للدرجة هاي !! يعني مش معقول هيك !! الكلب لما يجوع صحيح بلحقك بس كمان الكلب اذا زودتها معو بعضك !! الشعب مش قادر يعض يعني ؟ يعني احنا مش كلاب ........ بالفعل احنا مش كلاب احنا حيوانات غريبة !! حتا مش حيوانات , احنا مخلوق غريب , مخلوق اخرس , مخلوق اعمى . مخلوق ضايع ...........

اول مبارح المحروقات , اليوم الخبر بحكي في الجريدة :" تحديد نسب رفع أسعار الكهرباء خلال أسبوع " يعني بصراحة ما بعرف !! "حتى هذه الانسانية قالت كفى." عن ارنستو تشي غيفارا

حملات هون و هناك و لكن ما في فايدة شعارات مرفوعة ولكن ما في فايدة , طبعا انا مع الحملات زي حملت "لأ" و لكن المشكلة مش في الحملة , المشكلة في الشعب , احنا شعب عبيط , وراح يضل عبيط .......

بدكم شعارات مليان تفضلو : ارحمونا , حلو عنا , اعتقونوا , بكفي , كفاها , عشونا , غدونا , فطرونا ....

في خبر اخر :" أسعار الأرز وزيوت الطبخ شهدت أخيرا ارتفاعا حادا وبنسب كبيرة وصلت إلى أكثر من 90 في المائة. ما آثار الاستغراب في هذا الأمر، أن هاتين المادتين كان مجلس الوزراء قد رفع عنهما الضرائب والرسوم الجمركية. " ...................شو يعني هادا الحكي ؟

ضرايب ضرايب ضرايب , هلكتونا , طيب يا عمي احنا ما بدنا شوارع منيحا بلا ما تزفتوها , ما بدنا اشي , الشعب بدو ياكل بس !!!

كل يوم و التاني جريمة قتل , كل يوم و التاني سرقة , يعني ليش بصير هيك ؟ و اضحة الشعب بدو يعيش بطريقة او باخرى .......يعني بلفعل العالم الى بتسرق و ما معها تاكل مش لازم تروح النار, في ناس تانيه انار اولا فيهم.

قبل فترة شفت شعار مرفوع بحكي :"Don’t steel government hates competition"

خلص بكفي حكيت كتير هلا بنتعبا .

علاء ابو عريضة المخلوق الضايع.

يا رحل

والله زمان.......

حكومتنا الرشيدة خلتنا عل حديدة.

كلعادة في بداية السنة رسالة قصيرة على الخلوي تقول : خصمنا منك ليرة من الرصيد تبعك .......نعم الرصيد تبعك عشان دعم للجامعات.

يعني الموضوع انو ما بيجيك بقلك انو أحنا راح نخصم منك ليرا , لأ مش هيك الموضوع , الموضوع انو بخصم منك و بعدين بقلك , يعني بسرقك.

على كل حال انا بحب اقدم نص جديد مقترح للرسالة يقول النص : أحنا الحكومة اخدنا منك ليرا , ليش اخدنا منك ليرا اشي ما بخصك ومش ب كيفك ,خصمنا من رصيدك ليرا يا رحل

الاردن في الاسبوع الماضي تعرضت لضربة اقتصادية غريبة , موجة من الثلج خسرت الاقتصاج الاردني 90 مليون دينار !!! يعني الحكومة الله يهديها مش لو صرفت مليون على آليات و معدات كان كم وفرت على حالها ؟

انا بعتذر مش المواطن هوه الرحل !!

من فترة دخل عنصر جديد في حياتي , عنصر رد لي الروح , رد لي القلم .

اشكرك.

علاء ابو عريضة المش رحل انا راح افصل الموبايل قبل ما يخصومو مني :)

مهمة البحث عن الجربان

في كل موعد للخروج من المنزل يجب ان اضبط التوقت ليناسب هذه المهمة , مهمة البحث عن الجربان ( الكلسات ازا بتحبو ).

مهمة تقتل من يومي عشر دقائق , هي عبارة عن سلة ملابس كبيرة , حمراء , تخص ثلاثة شخصيات في منزلنا . توضع فيها جميع الجربات التي تسقط عن حبل الغسيل , جميع انواع الجربات , جربان شتوي طويل , جربان صيفي قصير , جربان قديم منسل , جربان رسمي ( تبع بدل) , جربان رياضة , جربان احمق , جربان مستحيل ........الخ انتو أدرى .

طبعا تكون فرادى , يعني كل واحد مضيع أخو .

تبداْ المهمة عندما ارمق السلة من بعيد و انا متجه الى غرفة الغسيل , وهي تبادلني النظرات ايضا ,نظرات تحدي وكانها تقول لي : انا راح اءخرك عن موعدك اليوم.

طبعا انا في هذه اللحظة ادخل في سمفونية عنيفة مع اكوام الجربات و ابداء في انتقاءها , هدا ألي .......لأ هدا لمحمد , هدا ألي ........لأ هدا لأبو علاء , طيب هدا مزبوط ألي بس وين أخو ؟؟!!.

أضعه على جنب في حال وجود المفقود الاخر.

طيب هدا الجربان شتوي و الدنيا صيف ........طيب هدا صيفي بس مش حلو و مبارح لبست زيو بس لون تاني !! مش مشكلة خلي على جنب .

وانا اغوص في دوامة من الجربات .

تطورت عدني مهارات في هذه اللعبة فأول شيىء يجب فعله هو قلب هذه السلة على ارضية الغرفة , بحيث تكون منثورة على شكل مربع حتى تتمكن من تحديد الزوايا , تعيين بلاطة من بلاطات الغرفة لوضع الجربان المتوقع لبسه في هذا اليوم و البدء في البحث عن أخوه , وازا لاقيت جربان مفرد اخر و عجبني بحطه جنبه كمان .

أحدق اشي عملته انو في جوز جرابات موجود في خراناتي وهذا الجربان يستعمل فقط في حالة الطوارئ , يعني الحالات المستعجلة و التي تقتضي ان اتغاظى عن مهمة البحث عن الجربان.

الصحيح ان هناك رغبة تتملكني في معرفة حقيقية انه هل أخي و والدي يتوجهون في نفس المهمة اليومية ؟

انا بعرف ليش هيك بصير معي ........الحجة بدها تعطيني درس و تقولي انو تصفيط الغسيل مش حلو .

الى امي التي تحملت قرف ملابسي القذرة .

علاء ابو عريضة ( ابو جربان)